"G.A.O. 2017"

Aurreko ostiralean, maiatzaren 26an, eskolan G.A.O emanaldia izan zen, alegia Getaria eta Orioko eskolakoak gure eskolara etorri zirela gurekin batera antzerkiak, bertsoak eta kantak elkarri eskaintzera.

Jaialdia eskolako gimnasio berrian egin genuen. Lehenik Getariakoak iritsi ziren eta gero Oriokoak. Ailegatu eta segidan, hasi ginen emanaldiarekin. Hasteko, Zaraguetakoek abestiak, dantzak eta bertsoak egin zituzten. Konturatzerako 11:15k ziren eta ordu erdiko atsedenaldia egin genuen.

Deskantsuaren ostean, Aiako 1. eta 2. mailakoek bi abesti egin zituzten. Ondoren guk, alegia 3. eta 4. mailakoek,  beste hiru kanta abestu genituen Xapasek eskusoinuarekin lagunduta. Bukatutakoan, 5. eta 6. mailakoek  “Autobusaren zain“ antzerkia egin zuten. Hauek bukatu eta denbora gutxira Getariako 1. eta 2. mailako ikasleek dantza batzuk eskaini zituzten. Jaialdia 12:40etan bukatu zen, orduan eskolakoak geletara joan ginen eta 13:00etan, egunero bezala, bazkaltzera.

Arratsaldean 14:30etan berriro bildu ginen denok. Orduan irakasleek esan ziguten hiru eskoletakoak nahastuta, 10 talde egin behar zirela, eta gu ondo antolatzeko talde bakoitzekoei kolore bateko gometx bat eman zieten. Segidan, batzuk futbol zelaian eta besteak frontoian, jolas desberdinetan ibili ginen jolasten. Oso egun polita pasa genuen denok elkartuta.

 

20. IRRATSAIOA (2017-05-11)

AURKEZPENA: Mikel, Naiara, Xabier

KONTAKIZUNA: 8. saioa

8. saioko elkarrizketak

10.000 bisitatik gora

Lehengo ostiralean, maiatzaren 5a, konturatu ginen gure blogean 10.000 bisitaraino iritsi ginela. Gu oso gustura gaude horrek esan nahi duelako jendeari gure bloga gustatzen zaiola eta jarraitu egiten dituela guk eskolan egiten ditugun lanak. 

Bloga iaz jarri genuen martxan, gu 3. mailan geundenean, eta 2015eko irailaren 25an sartu genuen gure lehen albistea. Gure blogean atal hauek daude: albisteak, elkarrizketak, aurkezpenak, irratsaioak, kontakizunak etabar. Gaur egun 203 sarrera egin ditugu, eta horietatik gehien jarri ditugunak irratsaioak, elkarrizketak eta kontakizunak dira.

Xabier maisuak esan zigun festa egingo genuela, eta halaxe egingo dugu kurtso bukaeran 10.000 bisitako kopurura iritsi garela ospatzeko.

"Albaola" itsas-faktoriara egindako irteera

Atzo maiatzak hiru, asteazkena, Albaola itsas-faktoriarara joan ginen (Pasai San Pedro), LHko 3, 4, 5 eta 6. mailakoak, Xabier, Miren, Virginia, Maider eta Itziar irakasleekin. San Juan baleontziaren historia, maketak etab. Xabier irakasleak gogo handia zeukan joateko guk eta berak jakiteko nola ibiltzen ziren euskaldunak XVI. mendean.

Iritsitakoan, Xabierrek azalpen bat eman zigun bere herriari buruz. Ondoren, fron-toian hamaiketakoa egin genuen eta jolastu egin ginen ardiak eta otsoak jolasean. Albaolara ibilbidetxoan kale estu batera sartu ginen eta usain asko usaindu genituen: ogi bero usaina, autoko xaboi usaina, zigarro usaina etab. Portu ondotik jarraitu eta Albaolara iritsi ginen. Iritsitakoan barrura sartu ginen eta gehiago itxarondakoan bi taldeetan banatu eta niri 3. mailakoekin tokatu zitzaidan, Eider izeneko monitorearekin.

Hasieran Eiderrek esplikatu zigun nolako bidaia egiten zuten balearen bila joateko eta etortzeko; gutxi gora behera 6.000 km egiten zituzten. Bidai bakoitzean sagardoa eta teilak eramaten zituzten etxeak egiteko, labeak egiteko, labeekin gantza olio bihurtzeko etab... Jarraian nolakoa zen eta nola aurkitu zuten erakutsi ziguten. Ondoren nolako materiala erabiltzen zuten erakutsi zigun, egurra gehien, minerala eta harriak. Baita metalak ere. Zuhaitzak manipulatu egiten zituzten piezak EGITEKO egiteko. Pagoak bizkar hezurrerako eta haritza beste guztirako.

Bukaeran San Juanen erreplika ikusi genuen. Oso handia zen eta dena eskuz egi-ten ari ziren, antigualera. Bukatzeko, “APAIZAK HOBETO” espedizioa egin zutela azaldu zigun, alegia, Albaolakoak Kanadako uretara joan zirela.

JOATEA GOMENDATZEN DIZUET, OSO ONDO PASAKO DUZUE, NIK BEZALA!

Ugaitz

19. IRRASTAIOA (2017-05-04)

Txapasek piano bat ekarri du eskolara

Aste Santuko oporretan Txapasek piano bat ekarri zuen eskolara. Oporren bueltan berak esplikatu zigun Donostian bere ezagun bat ari zela lanean etxe bat hustutzen, eta piano bat kendu nahi zutela handik. Lagun horrek Txapasi esan zion pianoarena eta bera Donostiara joan zen ea ondo zegoen ikustera. Pianoa ondo zegoenez, bere jabeari baimena eskatu zion Aiako eskolara ekartzeko. Jabeak esan zion baietz, guk eskolan ibiltzeko behar bagenuen lasai ekartzeko.

Pianoa eskolaraino ekartzeko Belenek udaletxeko brigadakoekin hitz egin zuen eta hauek lagundu zioten Txapasi pianoa ekartzen laneko kamionetan.

Goiko argazkian Txapas azaltzen da pianoa afinatzen.