2016(e)ko ots. 26(a)
2016(e)ko ots. 24(a)
2016(e)ko ots. 18(a)
2016(e)ko ots. 17(a)
2016(e)ko ots. 16(a)
Txahal-begien azterketa
Gaur arratsaldean, gure gelan Ugaitzek harategitik ekarritako bi txahal begi moztu ditugu. Txanelako gaiarekin lotura duelako egin dugu gure gelako ikasleok eta Xabier tutoreak.
Egin behar zuena denok hobeto ikusteko, gelako mahaiak altxa, Xabier erdian jarri, eta gu bere inguruan eseri gara.
Lehenengo Xabierrek, begiaren inguruan zeuden gihar eta gantza batzuk kendu ditu begia hobeto mozteko. Horretarako kuter bat eta guraize batzuk erabili ditu.
Begia moztea asko kosta izan zaio, kanpoko geruza oso gogorra zelako. Azkenean kuterrarekin zulotxo bat egin, eta gero, guraizeen puntak sartuz lortu du ebakitzea. Begiaren barruan ikusi diren gauzak hauxek izan dira: , ikusmen-nerbioa, irisa, begininia, kristalinoa, likido gardena eta gelatina.
Xabierrek kristalinoa atera du eta orri baten gainean jarri du. Nola lente bat den, paperean zeuden letrak handiago ikusten ziren.
Guk oso ondo pasa dugu eta jarduera interesgarria iruditu zaigu. Orain hobeto dakigu begiaren barrua nolakoa den.
2016(e)ko ots. 11(a)
2016(e)ko ots. 5(a)
Eskolako Inauteri emanaldia 2016
Gaur arratsaldean inauteri festa ospatu dugu eskolan. Gelako gehienak oso urduri egon gara. Aurreneko orduan klase normala egin dugu. 10:00tan, berriz, azken entsaio orokorra izan da.
Aurtengo inauteriko gaia “pelikulak” izan da. Gela bakoitzak film bat aukeratu du eta horren gainean egin du bere aktuazioa. Pelikulak, Antz, Bitxos, Rio, Mari Popins, Mission Inpossible, Pirates of the Caribean eta Grease izan dira.
Guk “Mission Impossible” egin dugu eta beltzez jantzita joan gara, espioiak bagina bezala.
Pelikula guztiak pasa ondoren, sari-banaketa egin da, eta guri “Animazio Onenaren” saria eman digute. Segidan, txokolate-jana egon da gurasoek antolatuta.
Guk oso ondo pasa dugu, eta jaialdia oso polita izan da.
2016(e)ko ots. 3(a)
2016(e)ko ots. 2(a)
Santa Agedako kantaldia prestatzen
Gaur arratsaldean Santa Agedako bertso eta koplak entseatu eta grabatu egin ditugu gelan. Bihar entsegu orokorra izango dugu Lehen Hezkuntzakook. Kantuen artean betiko bertso eta koplak ditugu, baina baita kopla berriak ere. Hauek Iñaki Gurrutxaga bertsolariak egin dizkigu guk Aiako auzoetan kantatzeko.
Kantari ostegunean, otsailaren 4ean, aterako gara. Guri Andatzako buelta egitea tokatu zaigu, baina 5. mailakoekin batera. Andatzan bi taldetan banatuko gara, bat Ana ingeleseko irakaslearekin joango da, eta bestea Xabier tutorearekin. Talde bakoitzean zortzi ikasle egongo gara. Andatzako guraso batzuk ere lagunduko digute, guk hango ibilbideak ez ditugulako ondo ezagutzen.
Jarrera egokia izan beharko dugu, eta horretarako hauek dira aholkuak: 1.- Ez harrotu.
2.- Ez egin txorakeriarik.
3.- Irakasleari obeditu.
4.- Ez eskatu etxekoei gozokiak emateko.
5.- Emandakoa eskertu.
6.- Pozik ibili eta asko kantatu.