Euskal Itzulia Aiatik pasa da

Gaur arratsaldeko 15:20an Euskal Itzulia ikusi dugu Aiatik pasatzen. Gu Etxetxoan jarri gara ikusten badaezpada ere, euria hasten bazuen ez bustitzeko. Kartel batzuk ere egin ditugu txirrindulariak animatzeko eta, baita botilak eskatzeko ere. Baina ez digute kasu pitorik ere egin. Gu han egon gara oihuka eta bibaka eta begiratu ere ez digute egin. Haiek ziztu bizian pasa dira gure muturren aurretik.

Txirrindulariak pasa ondoren, auto pila bat igaro dira, ekipoetakoak ziren eta hauek ere ez digute ez botilarik ezta biserarik ere bota. Ea gutxienez telebistan ateratzen garen.